ஒரு முறை முஹம்மது நபி (ஸல்) அவர்களிடம் "ஒருவன் தன் சமூகத்தை நேசிப்பது இனவெறியாகுமா?" என வினவினர். அதற்கு நபியவர்கள் "இல்லை. மாறாக, மனிதன் தன் சமூகத்தார் (பிறர் மீது) கொடுமை செய்ய முற்படும்போது அவர்களுக்கு துணை புரிவதுதான் இனவெறியாகும்" என்றார்கள். (ஆதார நூல்: அபூதாவூத்)
எனது ஆன்மீக குருநாதர் ஷைகு ஃபைஜீஷாஹ் நூரி (ரஹ்) அவர்களின் "பைத்துன் நூர்" இல்லத்துக்கு மனநல குறைவுடன் வருபவர்களை ‘லா ஹவ்ல வலா குவ்வத்த இல்லா பில்லாஹில் அலியுல் அளீம்’ என தினமும் பல முறை ஓதச் செய்வார்கள். குறிப்பாக சந்தேக வியாதி (வஸ்வாஸ்) பயபதட்டம் (anxiety) வியாதியுடைவர்கள் அங்கே தொடர்ச்சியாக இதை ஓதி மனநல தெளிவு பெறுவதை பார்த்திருக்கின்றேன்.
